花宵 (已結業)

前日約咗個好耐冇見嘅朋友，約咗佢喺近Times Square附近嘅一間日本餐廳，餐廳有大約30個座位左右，餐廳主要都係食刺身串燒等等，咁耐冇見我哋梗係嗌啲貴啲嘅刺身拼盤啦，呢一個花宵刺身拼盤$300左右，最重要係佢有好多唔常見嘅刺身，包括左油甘魚、真羽太、拖羅等等，真羽太平時好少見到有得食，仲要佢係上面啲皮燒過嚟，所以會食到啲煙燻過嘅香味。而且佢拖羅真係好肥美，完全係入口即溶嘅口感。之後我哋仲嗌左幾款串燒，白鱔啖啖肉，就算點任何嘅醬汁，都已經好好食，個皮燒得啱啱好。牛舌都好厚身，一食落口啲油出晒嚟🤩之後我哋都嗌左左口魚邊壽司，壽司飯軟硬適中，帶啲醋味，在口語邊比較簿身。呢一到都有得嗌其他海鮮，我自己就點左一隻鮑魚，鮑魚有調味過，廚師仲好有心咁幫我切開四份，一食落口一啲都唔銀我好容易咬。