影片
更多
2023-09-13
18 瀏覽
之前食過 炭火地雞我已經決定點都要會一會燒烤堂同炭火地雞一樣身處中環地段但的確價錢更親民 叫野可以更瀟灑可以試到更多唔同串燒😆😆而且質素其實一樣高 (利申：我嘅垃圾口可能食唔出備長炭嘅威力)🍡糖不甩燒湯圓($22)🥞甜奶牛油包($18)睇串燒post成日都睇肉係咪有啲悶等我一反常態先讚甜品而且甜品的確令我留下好深印象價錢平平 食材都係普通野 但加嘅心思令到成品好邪惡好特別🤭燒湯圓就係外皮燒到脆嘅芝麻湯圓 好食 但想特別講甜奶牛油包 包入面有芝士粒 再加上鋪喺包面溶化中嘅牛油 同鬆脆包包 極好味 又抵食 想食多10個🤤🤤🍙蟹膏燒飯團($38)🍚鰻魚炒飯($58)繼續反常先講下串燒台嘅澱粉小妹較推介鰻魚炒飯 份量同味道都更勝一籌 只係貴$20但超大碟 同普通居酒屋一份炒飯份量一樣咁大 只售$58係超值 亦係飽肚之選🤓燒飯團外皮脆卜卜 紫菜包住飯團同蟹膏咁食 但就不太是我杯茶 三樣野嘅配合冇我想像中咁正🤣🍆孜然燒蒜蓉茄子($36)🍄牛油蒜蓉焗雜菇($38)🥟泰式腐皮餃子($38)🦪蒜蓉燒廣島蠔兩隻($44)繼續睇非肉肉 講真串燒肉肉真係度度都有 就係豬牛雞 爭在質素如何 所以繼續睇啲特別啲嘅
我已經決定點都要會一會燒烤堂
同炭火地雞一樣身處中環地段
但的確價錢更親民 叫野可以更瀟灑
可以試到更多唔同串燒😆😆
而且質素其實一樣高 (利申：我嘅垃圾口可能食唔出備長炭嘅威力)
🍡糖不甩燒湯圓($22)
🥞甜奶牛油包($18)
睇串燒post成日都睇肉係咪有啲悶
等我一反常態先讚甜品
而且甜品的確令我留下好深印象
價錢平平 食材都係普通野
但加嘅心思令到成品好邪惡好特別🤭燒湯圓就係外皮燒到脆嘅芝麻湯圓 好食
但想特別講甜奶牛油包 包入面有芝士粒 再加上鋪喺包面溶化中嘅牛油 同鬆脆包包 極好味 又抵食 想食多10個🤤🤤
🍙蟹膏燒飯團($38)
🍚鰻魚炒飯($58)
繼續反常先講下串燒台嘅澱粉
小妹較推介鰻魚炒飯 份量同味道都更勝一籌 只係貴$20但超大碟 同普通居酒屋一份炒飯份量一樣咁大 只售$58係超值 亦係飽肚之選🤓
燒飯團外皮脆卜卜 紫菜包住飯團同蟹膏咁食 但就不太是我杯茶 三樣野嘅配合冇我想像中咁正🤣
🍆孜然燒蒜蓉茄子($36)
🍄牛油蒜蓉焗雜菇($38)
🥟泰式腐皮餃子($38)
🦪蒜蓉燒廣島蠔兩隻($44)
繼續睇非肉肉 講真串燒肉肉真係度度都有 就係豬牛雞 爭在質素如何
所以繼續睇啲特別啲嘅野先 餐單好貼心會括住個串燒/菜式係偏向咩式嘅調味 例如日式/西式/疆式 竟然連泰式餃子都有 少少油但沾泰式醬汁食超級惹味
而茄子就係疆式調味 重孜然粉味 份量好大條 都幾重口味 怕濃者就揀其他式嘅調味💁🏻♀️
牛油蒜蓉就係比較日式嘅調味 我菇同蠔都揀左日式 西式就會係芝士焗比較多 我偏向食番蒜會比較食到依材原味😌😌
🐖
鹽燒豚肉荔枝卷($22)
海苔黑豚肉鵪鶉蛋($28)
牛油果豚肉卷($28)
福岡味噌松板豬($28)
雖則肉肉離不開豬牛雞 但燒烤堂同炭火地雞一樣都有好多創意肉肉串
包住荔枝 鵪鶉蛋 同牛油果 全部都好夾 所以大家可以跟自己喜好揀你想試豚肉包乜野嘅串😉😉
🐂
厚切鹽燒牛舌腩($48)
鹽燒A4宮崎和牛($58)
一分錢一分貨 份量就真係4舊咁 和牛有和牛味 唔會亂搵啲肉扮和牛
厚切牛舌口感超正 彈彈下
如果想經濟啲就可以揀薄少少嘅牛舌心🤣🤣
🐓
鹽燒原塊雞皮($22)
汁燒鮮雞肝($28)
鹽燒阿波尾七里香($22)
汁燒免治雞肉軟骨棒(付月見)($38)
我最驚喜係阿波尾七里香 細問之下原來是雞臀 即是雞patpat 正 原來我鍾意食patpat🤭外皮脆脆地 入面又多汁腍滑 最推介這個
雞肝都幾鮮味 反而雞皮同免治雞肉棒兩大串燒必食就較普通 蛋汁同醬汁比例略嫌失衡 蛋汁嘅味被蓋過 🥲令免治雞肉棒主要食落都係個汁味🤣
🍺生啤($48) *買一送一
🥥新鮮椰青($38)
飲品一定要提嘅係買一送一優惠
500ML再買一送一
一定夠飲足全程😂😂
椰青香 椰肉易刮出黎 啖啖椰肉
張貼
