串酒里 (已結業)

兩個星期前有個朋友帶咗我嚟呢間餐廳飲啤酒食串燒，都幾唔錯所以今次同老婆撐枱腳。夏日炎炎開着個冷氣食串燒又唔使去沙灘先有得燒嘢食。餐廳門面嗰張banner除咗有餐廳名之外仲有手工啤酒推介（五支啤酒每一支啤酒都用咗港式5字真言粗口，都有啲搞笑）今日同老婆月WhatsApp Book定夜晚七點嚟食飯。老婆鍾意食燒海鮮，呢度有燒8吋虎蝦、燒蠔、燒扇貝。每一款都有唔同嘅煮法最後我叫咗燒雞泡魚干加埋沙律醬好好味札幌芝麻香燒餃子雞翼，餃子雞翼去骨裏面加咗好香嘅配料。蒜蓉燒原條茄子、鹽燒日本秋葵。燒蔬菜有時比燒肉同海鮮仲更加好味.尤其是秋葵，燒完之後有時比生食更加好味黑松露蒜蓉燒扇貝、黃金將燒日本廣島蠔。呢兩個海鮮燒完之後再加上蒜蓉同埋芝士！簡直係絕配最後在叫咗金菇肥牛卷同埋黃金薯條。最衰老婆唔俾我飲啤酒，如果唔係串燒加啤酒仲正。上次我同朋友9:30後喺度飲啤酒有買一送一優惠。