芝加哥串燒酒場 (明雲閣)

呢晚同朋友仔去元朗食串燒, 芝加哥串燒酒場位於元朗市中心, 雖然係Weekend晚上, 餐廳呢度都好熱鬧啊～ 想更有feel可以揀坐吧枱啊～我地每人先點左一杯cocktail邊飲邊傾~ 白色呢杯係我嘅至愛Godiva Chocolate好香濃嘅朱古力味加微微酒香, 白雪雪好有少女心! 另一杯橙色嘅 Sex On the Beach 果味較重, 含酒精量不高, 亦都係好啱女仔飲!之後啲串燒和主食就接住嚟喇!必點香蒜蔥花廣島蠔, 燒得啱啱好, 唔會過火, 又滑又肥火, 充滿蒜香, 好惹味啊～ 香蔥燒蟶子皇都好大隻鮮甜~不得不試鹽燒鮮白鱔串, 肉質結實彈牙! 呢度連燒象拔蚌仔都有, 仲有燒新鮮魚卜, 好爽口惹味, 海鮮控必試!招牌牛骨髓真係好好味, 保留到本身嘅滑同juicy! 煙燻和牛牛舌又香又爽口~ 燒日本博多雞子, 大大粒漲卜卜, 入口鮮甜~ 燒羊上腦串第一次食, 淋淋地, 有羊肉嘅羶香, 好啱愛食羊嘅朋友!食埋安格斯牛板腱珍珠飯就大滿足喇! 碗飯大大碗而且有多片牛板腱, 十分足料, 肉質香嫩, 咁大碗都只係 $98~ 好抵呀！呢度嘅出品不錯, 食物和飲品選擇多, 下次再約過朋友嚟聚一