安安燒 (染布房街) (已結業)

去完槍街四圍搵野食, 行過呢間安安燒既香味非常吸引, 而且半開放式坐, 開揚夠通爽.串燒種類都幾多, 肉類蔬菜, 海鮮類都有好多野揀.<蒜蓉燒扇貝>$45/4隻, 扇貝鮮甜, 彈牙夠爽口, 而且蒜蓉好香, 燒完唔乾仲好JUICY.<醬燒雞中翼>$28/3隻, 個醬有少少辣, 但好惹味易入口. 雞肉夠嫩且入味.<安格斯肉眼牛柳串>$43, 牛柳嫩滑, 肉汁豐富, 食落無渣.<烤雞腿肉串>$23/2串, 雞肉燒完唔乾, 雞腿肉肉厚味甜, 口感豐富.<蜜糖燒粟米>$18/條, 粟米爽甜可口, 一粒粒唔會太腍, 蜜糖燒甜甜地, 唔會搶左粟米既原汁原味.