星願 居酒屋 (已結業)

咁啱今日我同細妹都放假，我又咁啱升咗職，決定請細妹一齊食餐好。於是去到新都城中心嘅星願居酒屋食日本串燒。呢間嘅居酒屋真係樣樣睇落都好好食，搞到我哋每樣都想點。首先點左鹿兒島一口牛，牛肉非常嫩，真係單單配啲鹽已經好好食😋雞軟骨都好脆身燒完更加惹味。雞皮串食落一啲都唔油膩，脆到好似薯片咁。蒜蓉牛油燒生蠔真係一絕，生蠔非常多汁，加上蒜蓉牛油，好香！最後係我同細妹都非常鍾意嘅鵝肝壽司，燒過既鵝肝滿滿嘅油脂，好香，食落入口即溶，細妹同我都好滿足❤️ 好食都全部串燒同壽司要想Encore呀！