燒皇燒烤專門店

營業中

休息中

其實女仔約食野都可以係好麻甩，琴晚黎左食串燒同雞煲，正呀！食串燒我唔會期望環境點靚，冷氣夠已經好好，哩度好涼爽，食得好舒服，仲有電視睇！好多款串燒，真係好興奮！哩度幾好，雞煲既辣度同配料都可以自選，實唔會食到噴火頂唔順，揀番自己既程度就得，好好！哩個天氣最岩飲咸檸七，真係好爽，飲完舒服晒！雞泡魚乾 $40一邊飲汽水一邊食雞泡魚乾真係好麻甩，但又真係好中意咁食法，好過癮！安格斯牛肉串 $36一拎起就有好多肉汁滴住，好正，肉要襯熱食，最尾一舊凍左果時先食就有d硬。芝士牛油焗什菌 $40超愛的！好香牛油味，係會有拉絲芝士，好中意食金針菇！燒蟶子皇 $90落左乾蒜同蔥花去燒，簡單調味都已經好味，因為蟶子夠新鮮，仲要咁大隻。燒茄子 $45哩個簡直係必叫串燒之選，好好味！燒娃娃菜 $30女仔都係中意食菜多，哩碟燒娃娃菜好juicy 同個汁好夾，好快食清光。雞煲上枱大約煮多5分鐘就食得，揀左bb辣所以係好微辣岩晒我地，雞肉新鮮，半雞都好大份下，幾多芫茜所以好香。