一入到去見到幾張露營凳 同朋友一齊即刻勁有去露營嘅感覺
本身個人食開重口味所以所有都揀香辣或者沙嗲味
鍾意食辣人士一定要揀香辣味 隻辣超過癮
大推茄子同骨付腸 雞皮就嫌中間小小唔夠脆 下次再食叫老闆燒耐啲脆口d 先得
除咗串燒仲叫左蕃薯條，薯餅，炸燒賣同炸魷魚鬚
炸薯餅熱辣辣足料 食緊個陣仲噴緊煙 唔錯！
炸魷魚鬚唔會厚粉得層脆槳 魷魚鬚都大大條真材實料 好似仲有少少紫菜味
蕃薯條平時漢堡包店嘅食得多估唔到串燒舖都有得嗌就即刻嗌左一份 熱辣辣即叫即炸 唔會貪快貪方便翻熱就算
見到舖頭仲有日本香梨汽酒 平時donki都唔見有 又冇話食水好深 送串燒一流
