芝加哥串燒酒場 (太和中心)

營業中

休息中

事隔幾個月又再黎芝加哥，比起上次，今次酒吧多左萬聖節嘅佈置，有節日嘅氣氛。桂花麒麟生啤係我通常坐低之後會叫嘅啤酒🍻，麒麟啤酒本身已經算清，加埋花香同糖漿，會令到啤酒更容易入口，天氣熱嘅時候飲亦都會幾舒服。之後就叫左呢到其中一個特色：磯燒飽魚，凍食，本身已經有香濃嘅醬汁煨過，加少少檸檬汁上去，成個味道亦會清左唔少，將鮮味突出，但天唔寡，所以整得算係好唔錯。我地叫左一大盤串燒，亦都堅持要有一碗飯係到，因為串燒調味料唔輕，加埋肉味香，所以配一碗飯食落去會可以更加開胃。菠蘿🍍同玉子係我一定會叫嘅，因為菠蘿燒完之後汁會更加香甜，而當食左幾串串燒之後食一啖菠蘿會解到膩。甲羅燒嘅香濃，要配埋生蛋，每一啖食落去都有蟹膏嘅鮮香，而且濃郁。翠玉瓜、雞翼、雞翼餃子、牛舌，加入左椒鹽、黑椒，熱辣辣食，都係肉汁同埋嫩肉。一邊食嘅時候都會鐘意一邊飲一杯再濃味啲嘅酒，提升整個食嘅層次。