串燒王 (建基大廈)

營業中

休息中

今日放左工就約朋友去行街食飯，係炮台山附近有間餐廳，靜靜地就入去試下。首先我地點左啲小食。第一款係甜蜜玉子燒，呢款蜜糖非常多，令味道更加提升，玉子燒到好滑，味道同口感都十分好，配合得天衣無縫。呢一款係鹽燒鯖花魚，呢款燒到好香，離遠都聞到燒魚既香氣，食起重有驚喜，海鹽味好鮮甜，外脆內軟，味道都好好。最後一款小食係流心芝士年糕，中間芝士非常多，厚厚既芝士味係口控徘徊，我個人十分喜愛。世界級值得一試。點咪沙律醬食另味道更加提升，食完返唔到轉頭。最後叫多個肥牛炒烏冬，肥牛剛剛好煮，非常滑而口感一流，加上烏冬非常彈牙，而且唔會好油膩，味道好。份量都好多。店樓面雖小，但食物質素同服務態度都好好。一定會返黎再食。