爆汗串串 (已結業)

我真係好鍾意食辣野，尤其麻辣。一直bookmark左既【爆汗串串】有兩小時任食放題，包括差不多40款成都串串、6款面/飯、同10款小食，另外加$30有飲品任飲添！唔同時段有唔同價錢，但都唔過$200。佢地提供既係熱鍋、可以選擇大中小BB辣，我地就因爲第一次食、唔知辣度，就選擇左小辣。不過個人覺得唔辣，同埋湯底唔算太香。除左某幾款食材本身比較難入味，都好吸湯頭，好惹味！如果所有食材都鍾意食，建議第一round先叫全部各一串、小食都各一，之後再叫自己最鍾意既！個人最推薦以下小食/食材小食：棒棒鷄、麻辣腐皮棒棒鷄：難得唔辣既小食，手撕鷄同青瓜絲搭配麻醬，香濃開胃麻辣腐皮：腐皮吸收曬D麻辣精華，好香但唔會太辣串串食材：鷄軟骨、牛肉、陀陀餐肉、花枝丸、腐皮、厚百頁、金菇腐皮卷、西蘭花、娃娃菜、土豆呢幾樣食材都好吸湯，但又唔會無左本身食材既特色同味道！火鍋粉：類似薯粉、湯頭超香但唔辣最特別係冰粉！清甜不膩、少少芝麻香仲加左山楂餅，解膩解辣一流，但呢個好快就無曬啦，都係叫左兩碗咋！建議早D去食！