影片
更多
2020-01-31
39 瀏覽
向來係麻辣燙粉絲嘅我，一有機會食麻辣燙一定唔會放過，哥哥話見到工作地點附近開咗間新嘅火鍋店，主打重慶串串火鍋，概念有啲似麻辣燙，今晚就同佢撐下枱腳。鋪頭係樓上鋪，雖然店面唔算大，但用上唔少燈飾同夜光餐牌，相當吸睛。餐廳主打任食火鍋放題，食材係自取嘅，喺餐廳嘅正中間，而且大部份用長竹籤串好哂，打開雪櫃就可以直接拎，方便衛生。肉類選擇唔少，除咗基本嘅豚肉片同雪花肥牛，仲有牛肚、豬肚、生腸、雞翼、雞軟骨、雞腎、魷魚、麻辣牛肉、芫荽牛肉同多款丸類。除咗肉類之外，蔬菜類選擇亦好多，特別欣賞佢有凍豆腐同大木耳，配麻辣湯特別好味。除咗葷素兩類新鮮食材，仲有幾款鹵味可以揀，分別係雞腳、豬耳、雞翼尖、豬大腸、豬脷同豆腐。醬料可以自己調校，辣椒仔夠哂辣，加少少已經好惹味。飲品種類雖然唔算多，但基本嘅汽水、檸檬茶同維他奶都有，而且雪得夠凍，解辣一流。湯底我哋揀咗紅白鴛鴦湯，一邊係正宗重慶麻辣湯，另一邊係香濃豬骨火腿湯。餐牌上有簡介佢哋嘅湯底係自家製無添加，用嘅係天然香料，辣得嚟唔會燥，豬骨湯亦頗為鮮甜。侍應會會送上限量嘅海鮮拼盤，有鯇魚片、鮮蝦同花螺，頗為新鮮。海鮮之中鯇魚片最吸引，切得夠薄，口感爽脆。食材
鋪頭係樓上鋪，雖然店面唔算大，但用上唔少燈飾同夜光餐牌，相當吸睛。
餐廳主打任食火鍋放題，食材係自取嘅，喺餐廳嘅正中間，而且大部份用長竹籤串好哂，打開雪櫃就可以直接拎，方便衛生。肉類選擇唔少，除咗基本嘅豚肉片同雪花肥牛，仲有牛肚、豬肚、生腸、雞翼、雞軟骨、雞腎、魷魚、麻辣牛肉、芫荽牛肉同多款丸類。
除咗肉類之外，蔬菜類選擇亦好多，特別欣賞佢有凍豆腐同大木耳，配麻辣湯特別好味。除咗葷素兩類新鮮食材，仲有幾款鹵味可以揀，分別係雞腳、豬耳、雞翼尖、豬大腸、豬脷同豆腐。
醬料可以自己調校，辣椒仔夠哂辣，加少少已經好惹味。
飲品種類雖然唔算多，但基本嘅汽水、檸檬茶同維他奶都有，而且雪得夠凍，解辣一流。
湯底我哋揀咗紅白鴛鴦湯，一邊係正宗重慶麻辣湯，另一邊係香濃豬骨火腿湯。餐牌上有簡介佢哋嘅湯底係自家製無添加，用嘅係天然香料，辣得嚟唔會燥，豬骨湯亦頗為鮮甜。
侍應會會送上限量嘅海鮮拼盤，有鯇魚片、鮮蝦同花螺，頗為新鮮。
海鮮之中鯇魚片最吸引，切得夠薄，口感爽脆。
食材都幾新鮮，特別推薦芫茜牛肉，鮮嫩嘅薄牛肉包住少量嘅芫茜，同麻辣湯底好襯。
總括嚟講呢度嘅火鍋質素唔錯，價錢合理，而可以一次過拎一堆竹籤放入去煮，食法非常方便，令人胃口大增。張貼
