街坊茶記 (已結業)

將軍澳街坊最大好處係有完善的單車徑，天氣好的日子想踩單車、踩scooter 、滾軸溜冰？只要十分鐘內就可以去到單車徑。相信好多將軍澳居民都有單車或scooter 。今日下午茶時間公主要去曬太陽做運動，途中要食過下午茶。南澳的餐廳定位高，但今日發現有間坐落居屋地下的【街坊茶記】，門面細細不太顯眼。室內裝潢十分街坊，地方雖然不大，但是在2人一枱限制下，店方沒有在四人卡位中加上隔板去增加客人數量，客人可以坐得舒服些。將軍澳南有日本、台灣、印度、西餐廳，食過試過，到最後都係覺得港式食物先係comfort food。【街坊茶記】真係好街坊，有本地街邊美食：燒賣、魚蛋、糯米飯、腸粉等。而且又有粥、粉、麵、飯及多款小菜，選擇多又價格相宜。在等待雞脾期間，突然想食【咖哩魚蛋 $10 】。魚蛋雪白，圓渾均稱，但不是街邊魚蛋檔的橙橙黃黃、放在辣汁中煮過的魚蛋。這個魚蛋淋上辣汁，偏潮州風格。魚肉爽口彈牙，但食落較鬆散。自製辣椒油只得油香，跟魚蛋沒有化學作用。【秘制炸雞脾薯條 $36】雞脾即叫即炸，等了十幾分鐘終於呈上。表面金黃，賣相對辨。咬下去卜卜脆，正！雞脾多汁嫩滑，調味剛好。大人細路都鍾的下午茶！