影片
更多
2008-05-27
5 瀏覽
早幾日喺呢區行開, 又到左差唔多要晚飯嘅時候, 兩口子左諗又諗都唔知食咩好, 點知一行出朗豪坊, 就見到對面好大隻字寫住碌冧法式越南料理, 個名令師傅覺得幾好笑, 皆因呢個名讀出黎真係好似越南話, 係咁樣就比佢吸引住, 所以決定會一會佢!去到唔算好多人, 但要等兩至三張枱, 師傅見唔使等太耐, 於是決就喺呢度食晚餐, 過左十分鐘到就可以入去坐! 坐底睇下有咩食啦, 商量左一陣最後柯打左生牛肉湯檬, 炸春卷, 蔗蝦同埋香茅豬扒紅飯, 再用中銀卡找數, 就送多碟牛油炸雞中翼!等左一陣, 估唔到最快到會係唔使錢嗰道菜, 牛油炸雞中翼一碟三隻, 個賣相炸到好似炸生蠔咁, 外面係炸到幾硬, 係要好大力咬先得, 口感麻麻, 而雞中翼本身唔見得有咩特別, 好普通啫, 唔使錢係差d架喇, 唯有希望黎緊嘅會好d啦!跟住生牛肉湯檬就到, 一放低師傅仲以為佢地落錯單, 因為生牛肉湯檬竟然係冇湯, 正想出聲嘅時候, 個伙計就話轉頭幫我地加湯, 過一陣就見到佢攞住個茶壺出黎, 喺客人面前加湯, 慢慢將碗"生牛肉乾檬"變成"生牛肉湯檬"; 由於d湯係好熱好滾, 師傅等佢一行開就即刻夾起d牛肉, 如果唔夾起肯變晒
去到唔算好多人, 但要等兩至三張枱, 師傅見唔使等太耐, 於是決就喺呢度食晚餐, 過左十分鐘到就可以入去坐! 坐底睇下有咩食啦, 商量左一陣最後柯打左生牛肉湯檬, 炸春卷, 蔗蝦同埋香茅豬扒紅飯, 再用中銀卡找數, 就送多碟牛油炸雞中翼!
等左一陣, 估唔到最快到會係唔使錢嗰道菜, 牛油炸雞中翼一碟三隻, 個賣相炸到好似炸生蠔咁, 外面係炸到幾硬, 係要好大力咬先得, 口感麻麻, 而雞中翼本身唔見得有咩特別, 好普通啫, 唔使錢係差d架喇, 唯有希望黎緊嘅會好d啦!
跟住生牛肉湯檬就到, 一放低師傅仲以為佢地落錯單, 因為生牛肉湯檬竟然係冇湯, 正想出聲嘅時候, 個伙計就話轉頭幫我地加湯, 過一陣就見到佢攞住個茶壺出黎, 喺客人面前加湯, 慢慢將碗"生牛肉乾檬"變成"生牛肉湯檬"; 由於d湯係好熱好滾, 師傅等佢一行開就即刻夾起d牛肉, 如果唔夾起肯變晒做老牛呀, 係老嘅牛肉而唔係牛肉刀; 跟住就試下個湯底, 湯底淡而無味, 真係似滾水多d喎, 牛肉就由於夾起左嘅關係, 所以唔覺得老同鞋, 啱啱好, 檬粉都幾滑身配埋芽菜又幾爽口, 係個湯底差, 勉強可以啦!
炸春卷一客有四件, 炸得幾香脆, 個餡又幾爽口, 配埋生菜同埋佢d秘制魚露, 真係幾好味; 而蔗蝦一客兩件, 先將條蔗拔走, 再配合埋生菜, 酸甜醬, 熱辣郊都可以; 至於香茅豬扒紅飯就係等得最耐, 起初仲以為漏單, 正想催下佢時, 個紅飯就到喇, 但係師傅最唔明嘅係話明係紅飯, 點解會係鴛鴦色呢? 點解一半係紅一半係白呢? 有相為証, 香茅豬扒都幾鬆, 唔算乾身, 但就比較咸, 一般d, 紅白飯真係唔多好味, 麻麻地喇!
總括黎講食物質素都幾普通, 服務態度都算幾好, 環境就幾舒服咁, 加上好似好有氣氛咁, 都唔錯, 而價錢方面又唔算話抵食, 中價收費但就一般貨色, 麻麻地啦! 如果唔係食店個名讀出黎太似越南音, 間接令師傅覺得佢d越南野會好味, 咁就唔會中計, 咁就一定唔會貿然黎試, 所以都應該冇下次!
張貼
