影片
更多
2013-05-21
1274 瀏覽
舊年小肥喺The East消費中換來$400禮卷之奬賞，有效日期至3月31日。眼見有效日期將完，所以就同屋企人揀左間喺四通八達o既QRE Plaza o既「楠料理」進行試食。雖然話係新餐廳，不過原來「楠料理」只係改左個中文名，英文名同以前一樣，餐廳都仲係同樓上The Habitat Lounge有關連。因為之前都有幫襯過前身o既「柊亭料理」，記得室內裝修大致差不多，只係燈光稍為調低左，散枱數目少左及其編排有少少變動。最大改變在於餐牌上o既菜式，餐廳伙計同管理方式。當晚除左我地都只係有兩枱散枱客，我地差不多包場。唔知係咪因為人少呢，餐廳o既一男一女經理不時都會睇下我地有乜需要，當然亦不忘向我地推介酒品及不同菜式。楠料理o既員工上上下下都好落力，負責我地張枱嗰位哥哥仔非常細心體貼，佢對工作o既良好態度同經理絕對有得fight。呈上第一道餸之後，眼見小肥喜愛為食物拍照，哥仔都會先擺放喺我面前，等我影好先再放喺枱中間比肥肥家人食。此外，佢更自動波地幫客人換碟同清理枱面，食落都覺得好衛生，讚！開飯前，大肥同小肥都留意到枱上擺放着五角形筷子，頓時心中暗喜，覺得楠料理好有文化，同埋絕不吝嗇！大肥幾年
雖然話係新餐廳，不過原來「楠料理」只係改左個中文名，英文名同以前一樣，餐廳都仲係同樓上The Habitat Lounge有關連。因為之前都有幫襯過前身o既「柊亭料理」，記得室內裝修大致差不多，只係燈光稍為調低左，散枱數目少左及其編排有少少變動。最大改變在於餐牌上o既菜式，餐廳伙計同管理方式。
當晚除左我地都只係有兩枱散枱客，我地差不多包場。唔知係咪因為人少呢，餐廳o既一男一女經理不時都會睇下我地有乜需要，當然亦不忘向我地推介酒品及不同菜式。楠料理o既員工上上下下都好落力，負責我地張枱嗰位哥哥仔非常細心體貼，佢對工作o既良好態度同經理絕對有得fight。呈上第一道餸之後，眼見小肥喜愛為食物拍照，哥仔都會先擺放喺我面前，等我影好先再放喺枱中間比肥肥家人食。此外，佢更自動波地幫客人換碟同清理枱面，食落都覺得好衛生，讚！
開飯前，大肥同小肥都留意到枱上擺放着五角形筷子，頓時心中暗喜，覺得楠料理好有文化，同埋絕不吝嗇！大肥幾年前去過日本，得知比普通圓形或方形筷子貴o既五角形筷子手感最好，挾餸最穩，加上「五角」同「合格」喺日文係同音詞，大小雙肥覺得特別有意思！
我地點菜其實冇乜標準，喺餐牌度見到啱口味就各自叫幾款大家分，然後就加左兩三味經理們o既推介：枝豆（$25）：暖暖o既枝豆小肥覺得太腍，即煮得太耐，不過同桌o既老人家個個都話冇問題，好OK。
青瓜伴麵豉醬（$38）：菜王哥哥所提供之評語：「青瓜新鮮爽脆，幾好食。」
女經理推介之薄切三刀魚刺身（$500/全條）：粉紅色o既三刀魚肉味道清甜，不過肉質比較韌，牙力唔多夠o既老人家們都食得好有難度。
雞中翼串（$18/串）：熱辣辣o既雞翼燒得尚算香口，肉汁夠，不過個人覺得胡椒味重左少少。
牛利串（$18/串）：牛利味道較蘇，而且略為韌，小肥覺得唔係好得囉！雞肉軟骨串（$16/串）：細細粒o既雞軟骨好脆，大中小肥都覺得好合格！
油甘魚壽司（$38/件）：如圖所示，油甘魚壽司份量十足，可算為中規中矩。
必吃推介之鹽燒油甘魚頭（$150）：油甘魚頭燒得好靚，魚王舅父大讚個魚頭香脆非常，多肉得黎啲肉又嫩，一啲都唔腥，就連平時唔多食魚o既肥肥家族都話正，難得，難得！
女經理推介之三刀魚頭湯（$15/碗）：女經理話因我地食左全條三刀魚薄切刺身，所剩餘o既魚骨可用作煲湯，仲話會加紹菜，豆腐等材料煮製，每碗只需加$15。點知出黎大有出入，除左洋蔥同魚頭魚骨之外，並冇其他配料，而且淡而無味，大家都勁失望。湯王哥哥最後都係要叫碗麵豉湯先算飲過湯。
男經理推介之鵝肝多士（$88）：個醬汁味道唔錯，問題在個鵝肝好溶，似係鵝肝碎砌埋一堆，食落一pat野咁，小肥唔多鍾意囉！
蝦天婦羅（$68/五隻）：天婦羅個炸漿做得好，個皮炸得又鬆又脆又薄又夠熱；蝦身其實可以再爽啲，不過$68五隻，小肥覺得已經絕對超值！
餐牌推介之蛋豬扒飯（$98）：入得廚房o既媽咪（當然亦都係出得廳堂嗰隻啦）勁欣賞個滑蛋豬扒飯。佢解釋話因所選用o既豬扒本身肥，所以造出黎個效果特別鬆，滑蛋增添香滑感，加上個飯濕得黎飯粒仍然能夠保持粒狀，即並非一pat pat，結論係好出色！
其他飲品及食物收費：Asahi Beer：$38
日本清酒之「真澄山花純米大吟釀」720ml：$688（比市面售價少過兩陪已經算係好有良心！）
加州手卷：$38
三文魚手卷：$18
白飯：$10
軟殼蟹手卷：$48
麵豉湯：$15
什菜天婦羅：$58
XO仔一向喜歡逗留喺灣仔區食飯，方便收工行路去。QRE Plaza咁近，搭車返屋企方便，食完又可以攞The East分，喺QRE Plaza入面o既餐廳好順理成章成為首選。「楠料理」客人唔多，絕不嘈吵，空調夠，坐得好自在。食物水準中上，價錢亦算合理，加上服務生熱誠o既招待及對衛生之嚴謹，小肥應該會再返黎幫襯！張貼
