翔龍拉麵小籠包 (已結業)

小妹好似最近都好耐冇食上海菜了，今日嚟咗亞太中心呢間上海菜店，可能因為食飯時間人流都幾多。好在等左15分鐘到就入到去了。以前都有幫襯過，可能因為平日關係所以少好多人。Menu都唔同左啦而家變咗咁樣。先食一個淮揚酸辣湯 $32/位酸辣湯食落去做到個酸味可惜唔太覺得辣，入面嘅材料都算多，整體有點扣分。蔥油雨花海蜇頭 $68海蜇頭都幾爽口，青瓜食落好爽脆好fresh，不過菜式落既汁醬唔多，只有少量蒜蓉，蒜蓉味唔算太突出，有點清。攬菜肉碎炒飯 $65炒飯炒得都幾香，而且入邊仲有菜粒，食落鹹鹹香香，好食👍🏻翔龍小籠包 $35黎食上海野又點會少得小籠包，皮整得都算幾薄，入面嘅豬肉湯好多而且好夠熱啊，但食落去唔算太有驚喜，感覺一般。山煎包 $35生煎包嘅底部煎得好香脆，上邊嘅包好軟熟，食物形成咗強烈對比，入面嘅豬肉同小籠包應該出自同一產物，生煎包既外層感覺做得比較出色👍🏻整體感覺熟一般，中規中矩唔算太大驚喜黎開觀塘食飯如果想食上海菜既都會揀番佢。閒話：餐牌既價錢唔知有冇貴左，不過以我記得以前好似冇咁多款嘢食比大家選擇，可惜我係來來去去都係食嗰幾款，唯有下次帶多幾個朋友再過嚟試吓菜式。