扇火鍋

營業中

休息中

此火鍋店走同「牛陣」大同小異既路線，但定位較高，除穀飼牛($148)、上級穀飼牛($168)、黑毛和牛($238)同特級黑毛和牛($298)之外，亦有其他行家冇既長期穀飼牛($178)同埋特級長期穀飼牛($198)。至於湯底方面就有6款選擇，分別係清湯、甜醬油、蕃茄湯、豆乳湯、豬骨湯及辛味湯底，選擇非常多！至於食物配料方面，選擇亦都非常豐富。除左一般既大路野之外，亦都有平日既日式火鍋較為少見既龍蝦丸同埋咖喱牛肉飯等等。最特別既地方係佢有成三個雪櫃咁大既汽水櫃任攞唔嬲，除左普通野好似可樂、雪碧等等之外，亦都供應其他比較少見既選擇，好似樂天牛奶忌廉梳打、士多啤梨奶梳打、蘋果奶梳打、香蕉奶梳打等等，非常特別！黑毛和牛方面，口感非常唔錯，果然係一分錢一分貨。肉既肥同瘦比例剛剛好，肉上面既雪花亦都分佈得非常平均，令到入口既時候口感唔錯。而且因為肉切得非常之薄，一放落湯就已經淥熟，再加埋自助既醬汁，入口既味道真係超正！由於係一人一鍋既關係，咁就唔駛擔心個湯既味道影響身邊既人啦！總括黎講，無錯真係好多野飲野食既選擇，但係價錢相對其他競爭對手黎講就比較貴。間唔中食一次都叫做還可以，但專登去試的話就真係