2DP (已結業)

今日黎到尖沙咀厚福街嘅 2DP 幫襯，黎既時候大約係下午 5 點幾左右，未到晚飯時間所以人流亦唔算話太多。餐廳裝修方面做得幾好唔錯幾有格調，而且燈光擺位都有構思過，比到顧客有一個清新舒服既環境，而座位擺放方面都算可接受唔算話太逼，畢竟香港寸金尺土。黑松露雜菌闊條蛋麵 : 調味方面掌握得唔錯，唔太濃味亦唔太淡，而闊條麵口感軟熟，食落口有一種軟綿綿嘅感覺而且唔太韌。炸魚柳薯條 : 以為係用薯仔造既薯條，食落先知係用蕃薯做既，甜甜地味道唔錯。雙色紫薯奶茶 : 有啲紫薯溶係個奶茶底幾特別，每層都飲到有唔同既味道頗特別。