吃吧 (僑建大廈) (已結業)

放假約咗個friend 去吃吧！坐低睇吓menu 吃咩先嘩原來而家有咩cocktail 飲！正wor!香草白酒芝士藍青口配法包法包熱辣辣點啲香草白酒芝士好好味。原來好多芝士係個底到，藍青口大粒又好肉。燒花魚一夜干開邊燒到好香，仲配咗兩款檸檬比你點嚟食，點咗檸檬汁啲魚肉更加鮮味。原隻炸頂乳鴿有脆卜卜既蝦片墊底。乳鴿剛剛炸起皮脆肉嫩，食落啖啖肉。我都忍唔住叫番杯神泡啤啤佢。西班牙海鮮飯好多海鮮同番茄食落有啲啲辣好惹味。朋友唔飲酒叫咗杯荔枝烏龍茶好香荔枝味。