友利冰室 x 勿當奴 (D2 Place TWO) (已結業)

我地又去友利食Lunch，最喜歡友利中西餐都有，我就比較鍾意食中菜，老公就喜歡食西式野。記得上次去太子始創分店好有驚喜，今次就決定去D2 Place分店睇下係咪都咁好質素。去到見到D2 lunch menu同上次太子始創一樣，選擇好多，真係一時三刻都揀唔到食乜好。D2友利地方都好寬敞，牆上有很多有趣的壁畫，整間店比人感覺舒服。 😋日式咖喱吉列軟殼蟹日本蛋包飯 – 賣相好靚仔。講到明自己係黎自日本的蛋，包住粒粒日本珍珠米，配上日式甜咖喱，十分好味。仲有最喜歡的軟殼蟹，大大啖咬落去，脆卜卜好香口。 😋美國穀飼叉燒煎蛋飯 - 叉燒同煎蛋永遠係最佳配搭，當然都仲要有埋白飯。叉燒燒得好香，肉質多汁，連埋蛋漿同飯一啖食，非常唔錯。😋沙嗲和牛牛肉公仔麵配炒蛋及蒜香多士 – 呢個餐老公必點，見佢食到津津有味， 我都食兩啖。沙嗲汁濃杰，唔會比d湯沖到淡哂，仲要連埋大大份炒蛋，個餐性價比都幾高。