Lab 66 (已結業)

今日幫朋友慶祝生日,於是就去左試下呢間餐廳，之前已經一直想試，但係一直都無時間去試，而家終於有機會緊係即刻食喇。一入去就感覺到舒適嘅感覺，地方俾感覺都算寬敞，好適合幾個人黎傾下偈食下野煙三文魚凱撒沙律呢間餐廳嘅沙律好特別，當開會有煙慢慢咁飄出黎，呢陣陣由燃燒蘋果木產生嘅煙，令倒出沙律上枱嘅時間就好似仙境一樣，煙三文魚唔算太肥，又大大片，沙律菜鮮味，都係第一次食到咁特別嘅沙律。芝士薯條呢個芝士薯條裡面嘅芝士同薯條嘅份量都算多架，而且仲有沙律醬同茄汁配埋真係幾好架。韓式泡菜炒黑豚肉片配薄餅泡菜黑豚肉入口好好香濃，肉質厚實，另外配埋啲薄餅帶黎左額外嘅口感，令人驚喜。Lab66推介招牌石鍋飯飯上枱嘅時候侍應會配適當醬汁再係食客面前炒，真係幾惹味，食左呢個真係刺激到人有唔小食慾架，不過就略嫌真係有小小多油囉。生菜肉碎包炒肉碎內裡料又好足，而且唔會有嗆口嘅感覺，雖然無泰式餐廳咁香，但配埋啲清爽嘅生菜，真係好有層次。