影片
更多
2024-05-26
357 瀏覽
當晚收工落雨約咗朋友去到銅鑼灣食飯，加上舖頭新開張，唔使點排隊就入到，餐廳室內光猛，佈局有啲似韓國家庭式嘅裝修，有空間感坐落都算寬敞，以銅鑼灣嚟講呢間價錢性價比還可以。收工約咗人想速食，但又唔想成日食三哥譚仔，都可以試吓韓國刀削麵。今次我同朋友嗌咗花蛤刀削麵同埋雙拼餃子（豬肉/泡菜），我對碗刀削麵印象幾深刻，首先滿滿花蛤份量十足，碗湯好鮮甜，配有紫菜同蛋絲，清甜得嚟好解渴，一啲都唔油膩同滯，店主亦落足心機處理花蛤套沙，每一隻花蛤都食唔到有沙石，難得我食完啲麵仲會飲晒佢添。平時出街湯底會過鹹，我就算唔飲啲湯都會係咁飲水，但呢碗竟然令我喜出望外，所以以($78)湯麵我會比💯分。舖頭主打嘅刀削麵雖然唔係手打，但十分之煙韌，絕對唔會令大家失望，感覺有啲似日本拉麵，比較粗身；店主都唔吝嗇，份量都幾多下，食完碗麵再加2隻餃子都好夠飽。但扣分位係蒸雙拼餃子🥟，餃子皮薄、餡料好足，好似手掌咁大嚿，但就略嫌餡料裏面有太多粉絲。尤其係豬肉餃子，粉絲蓋過餡裏面嘅豬肉；而泡菜餃子，泡菜有點過辣又太過乾身，同樣地又係粉絲太多，有點兒喧賓奪主，可能因為店主係韓國人，唔係太適合本地人口味。食完碗刀削麵再加粉絲餃子，
今次我同朋友嗌咗花蛤刀削麵同埋雙拼餃子（豬肉/泡菜），我對碗刀削麵印象幾深刻，首先滿滿花蛤份量十足，碗湯好鮮甜，配有紫菜同蛋絲，清甜得嚟好解渴，一啲都唔油膩同滯，店主亦落足心機處理花蛤套沙，每一隻花蛤都食唔到有沙石，難得我食完啲麵仲會飲晒佢添。平時出街湯底會過鹹，我就算唔飲啲湯都會係咁飲水，但呢碗竟然令我喜出望外，所以以($78)湯麵我會比💯分。
舖頭主打嘅刀削麵雖然唔係手打，但十分之煙韌，絕對唔會令大家失望，感覺有啲似日本拉麵，比較粗身；店主都唔吝嗇，份量都幾多下，食完碗麵再加2隻餃子都好夠飽。
但扣分位係蒸雙拼餃子🥟，餃子皮薄、餡料好足，好似手掌咁大嚿，但就略嫌餡料裏面有太多粉絲。尤其係豬肉餃子，粉絲蓋過餡裏面嘅豬肉；而泡菜餃子，泡菜有點過辣又太過乾身，同樣地又係粉絲太多，有點兒喧賓奪主，可能因為店主係韓國人，唔係太適合本地人口味。食完碗刀削麵再加粉絲餃子，相比之下餃子就好失色，可以唔使嗌，除非佢對此有所改善。
如果再去我應該唔會再嗌餃子，會想試佢嘅煎餅😋
花蛤刀削麵 x 雙拼餃子 （豬肉/ 泡菜）
$78
31 瀏覽
0 讚好
0 留言
張貼
