Dishes (已結業)

今日我專程搭的士嚟交一本蕭秀香女士三姐的最新食譜俾我住喺逸瓏灣的朋友，佢約咗我喺呢一間好隱蔽嘅餐廳食午餐，今次我係第三次嚟。呢度環境舒適，枱與枱的距離頗大，招呼算好，因為只係得一位小姐服務員也做得頭頭是道，我哋只係食嘢飲嘢嘅時候揭開口罩。我哋點左：1. 泰式豬扒煎蛋白飯，$78，係碟頭飯有很多熟的蔥粒做的蔥油，朋友話味道唔錯，佢叫咗凍檸茶少甜，佢話杯茶都OK。2. 葡汁焗雞扁意大利粉，$88，味道一般，好彩葡汁不太鹹，用的雞扒也很大塊，不過稍為唔夠椰香味，我叫咗熱薑蜜飲都好飲。我哋食完午餐之後傾咗25分鐘就嗱嗱臨離開，因為上我朋友屋企傾偈可以唔使戴口罩。