鐵板一 (裝修中)

就嚟中秋節，同事話去附近食西餐，佢話有一間好食得來又抵嘅餐廳。 當然我話銅鑼灣都幾難搵到一間好食得來又要抵嘅餐廳。 咁當然相信佢就跟咗佢去咗呢間BG Steak & pasta😍😍 最重要嚟到已經幾多人，好彩唔駛等好耐。一坐低因為時間關係我哋就嗌左兩份煮食可以share ，鐵板肉眼 $98鐵板波爾多紅酒會牛柳條飯 $75，呢個鐵板肉眼扒實在太大塊啦，如果係我平時自己一個人去食一定食唔晒 ，好彩有同事一齊share ，我哋叫咗五成熟，切開塊牛扒入邊個肉仲係粉紅😍😍 正，而另外個牛柳條飯亦都非常之入味炒得好香，配飯一流呀👍