Cheeky Buns

營業中

休息中

今日午餐唔知吃咩好，一邊行去中環街市一邊諗，行下行下就走到閣麟街嗰邊，見有間賣burger的店，於是一於試下。餐廳老板是位外國人，幸好餐牌是中文，所以都睇得明。餐廳主打賣Kebab同漢堡包，身為burger控的我還是點burger好了。點左個芝士漢堡 ($98) + combo (+$41)，炸薯條 加上融化芝士同一罐百事可樂。先講個漢堡，材料包括麵包，100%清真美國牛肉漢堡扒，美國芝士、牛油生菜、蕃茄、紅蔥頭、酸瓜及漢堡包醬，夾上來都幾大件。睇住廚師將塊麵包煎熱，然後主力煎漢堡扒，個麵包整了出來唔會皺皮，賣相不錯，比同區的一間知名連鎖漢堡包店(5個甚麼甚麼呢) 好睇。漢堡牛肉扒夠juicy，肉質夠鮮嫩。配搭生菜和蕃茄，感覺好清新，大啖大啖咁咀嚼，欲罷不能。跟住就係表面鋪上了融化芝士的炸薯條，果然加了芝士的炸薯條口感更豐富，配上鮮甜蕃茄醬，真的十分滋味。而且炸薯條份量足料，食哂都真的剛剛好! 都真係夠飽的呢。