紅館

營業中

休息中

重新開番既紅館裝飾法式浪漫中帶點現代美感，門口都勁有優雅氣質，入面裝飾更係溫暖又有愜意既氛圍。食個晚餐相當舒適chill巴馬火腿沙律巴馬火腿入口是豐富鹹味及散發火腿既香氣，融合脂肪同肉質絕柔軟口感，就係入口即化～再搭配火箭菜係相當可口。新鮮黑松露蘑菇忌廉湯有忌廉加入令黑松露香氣更出，新鮮蘑菇鮮味相互配合，整個湯口感係柔滑又香濃。香草白酒煮藍青口扁意麵係烹煮過程中，揮發左白酒既酒精，留下酒香同香草既香氣，青口吸收酒香之後口感更佳，同樣扁意麵口感柔軟，吸收左青口及白酒香草之後，更加入味。澳洲M9和牛肩胛肉眼扒細心既餐廳已經切好一口一片既size，真係好貼心，濃郁既肉香及豐富既油脂，令個口感相當柔軟嫩口。士多啤梨拿破崙酥皮層薄而鬆脆，每一口都感受到佢嘅層次感同香脆口感。士多啤梨夾心有甜蜜嘅果香，整個甜點更加清新。朱古力蛋糕擺盤精緻，加左番石榴同藍莓水果，仲有金箔點綴，入面仲有朱古力碎同埋堅果，每一啖都係濃郁既朱古力香氣。