Seoul Noodles (士丹利街)

營業中

休息中

📍今次去咗中環 Seoul Noodle Shop，真係有驚喜！韓國傳統風裝修好有氣氛，樓上樓下都幾寬敞～🌶️主打「東海海鮮辣湯麵」湯底濃郁，帶有鮮辣泡菜味，蜆肉份量唔手軟，加埋魷魚、八爪魚、泡菜，口感好豐富。🦑「辣炒魷魚麵」屬乾拌麵形式，麵條煙韌掛汁，魷魚彈牙入味，辣度適中好開胃～🥟餃子拼盤有四款唔同口味，皮薄餡靚，仲可以配埋辣椒豉油更惹味。🥞泡菜煎餅焦香微脆，外層香口內裏多汁，唔會太油膩～🍹飲品我揀咗韓國汽水Milkis 同梨味汁，兩款都幾解辣～✅整體上菜快，服務親切，價格算中價但份量對得住，推薦俾鐘意韓食嘅朋友！建議早啲去，午市高峰期真係幾爆！