令酒場

近排去咗中環閣麟街嘅令酒場，聽朋友講佢哋啲野食好唔錯，主打日式串燒丶刺身丶仲有好多飛機貨嘅食材。

今次試咗佢哋性價比高嘅「午市御膳」，個lunch set 包咗泡菜牛脷丶沙律丶麵豉湯同汽水。

同朋友點咗個，野菜牛肉壽喜燒。
壽喜燒係由特製醬油、日本高湯丶金菇丶蘿蔔丶豆腐丶芋絲丶牛肉等多種食材組合成嘅鍋物。壽喜燒醬油味突出，飲落去嘅湯比較鮮甜，而牛肉鮮美嫩滑丶肉厚多汁。另外，壽喜燒會附上一隻生雞蛋，可以將雞蛋放入鍋中攪拌。香濃嘅蛋汁加入咗壽喜中，味道進一步提升。

朋友話想食芝士吉列免治雞，所以單點咗一份。一份有兩件，免治雞肉嫩滑多汁，富有口感。配上香濃嘅芝士簡直perfect match !