影片
更多
2017-12-01
667 瀏覽
早前喺團購見到LEE間位於中環既放題，連服務費都係二百幾蚊，睇見食評不錯，就同男朋友放工黎試下佢啦～！位於中環區商業大廈二樓，交通方便，行上去蘭桂坊好易搵到。因放工時間問題我地BOOK左第二輪，夜晚八點半開始，我地早左少少去門口已經好多人等梗，準時入座，估唔到星期四咁晏都座無虛席。環境乾淨，簡單既佈置，雖然地方不算寬敞，不過員工有禮，提供食物速度都算快。一黎就係刺身盤，三文魚，油甘魚都厚切，好肥美；帶子又鮮甜；蝦好大隻彈牙；泰式虎蝦個SOURCE好惹味。前菜同沙律都係例必叫，沙律，八爪魚，海蜇都正常啦。壽司推介黑松露赤蝦同海膽三文魚腩，仲有Ｄ卷物Ｄ蟹籽多到爆。串燒必食鰻魚，串串都好肥美。熱食有你估唔到既露筍鮑魚，鮑魚雖然細細隻，不過都好彈牙。另外牛油帶子好香。手卷除左一般出面都會有既軟殼蟹手卷，仲有特別Ｄ既鵝肝手卷，鵝肝好香，Ｄ油脂令到個手卷好好味～！而炸物都係即叫即炸，鍾意食榴槤既必要食榴槤波波，真係好好食，不過我太細胃食唔落，只係食到兩粒。飲品和甜品都是自助，種類繁多，仲有少見既益力多，我見有枱飲左十幾支。最尾我就食左個Haagen-Dazs，就已經飽曬嚕。總括喺中環LEE D寸金
位於中環區商業大廈二樓，交通方便，行上去蘭桂坊好易搵到。因放工時間問題我地BOOK左第二輪，夜晚八點半開始，我地早左少少去門口已經好多人等梗，準時入座，估唔到星期四咁晏都座無虛席。環境乾淨，簡單既佈置，雖然地方不算寬敞，不過員工有禮，提供食物速度都算快。
一黎就係刺身盤，三文魚，油甘魚都厚切，好肥美；帶子又鮮甜；蝦好大隻彈牙；泰式虎蝦個SOURCE好惹味。
前菜同沙律都係例必叫，沙律，八爪魚，海蜇都正常啦。
壽司推介黑松露赤蝦同海膽三文魚腩，仲有Ｄ卷物Ｄ蟹籽多到爆。
串燒必食鰻魚，串串都好肥美。
熱食有你估唔到既露筍鮑魚，鮑魚雖然細細隻，不過都好彈牙。另外牛油帶子好香。
手卷除左一般出面都會有既軟殼蟹手卷，仲有特別Ｄ既鵝肝手卷，鵝肝好香，Ｄ油脂令到個手卷好好味～！
而炸物都係即叫即炸，鍾意食榴槤既必要食榴槤波波，真係好好食，不過我太細胃食唔落，只係食到兩粒。
飲品和甜品都是自助，種類繁多，仲有少見既益力多，我見有枱飲左十幾支。
最尾我就食左個Haagen-Dazs，就已經飽曬嚕。
總括喺中環LEE D寸金尺土既地區，這個價錢食到咁有質素既放題，一定會再黎～！
張貼
