Brick by Brick (已結業)

✨黑麥香燒羊扒配自家製德國酸椰菜羊扒用上麥啤去醃肉，肉質用呢個方法處理簡直係比起慢煮嘅方法更加柔嫩！醬汁亦都係自家熬製，味道唔會太過搶！自家製德國酸椰菜味道好濃郁，朋友大贊呢個菜式嘅椰菜一試難忘！✨ 啤酒煮青口配蒜蓉包青口好大隻而且好新鮮！肉質好彈牙而且一啲沙或者內臟都冇❤️❤️啤酒因為煮嘅過程酒精已經揮發晒，所以呢個菜式淨係食到甜甜地同埋青口鮮甜嘅味道，同蒜蓉包超級夾！✨ 秘製馬來西亞咖喱喇沙湯麵（雞絲扎肉）朋友覺得喇沙好清甜，原來係因為喇沙係用唔同嘅蔬菜🥬熬製而成，無味精！飲落去好順喉！雞肉份量都好多而且成碗湯麵感覺上一啲都唔油膩！