一來貪其選擇多，二貪其夠空曠，空氣流通。逛了一圈，鎖定了Wako的午市定食。平均百零蚊便有齊沙律、餐湯和主菜。
選了最愛的牛扒，而且正在做優惠。同事則點了鰻魚定食。落好單，店員叫我地等8分鐘左右就可取。但大概過了5分鐘，食物已經準備好，而且人不多，店員仲直接幫我地捧到座位，非常貼心。
便當賣相精美！鰻魚十分肥美，醃得入味。跟餐仲有炸雞和刺身，啱晒多心又想乜都試下的人。
牛扒好juicy，雖然天氣凍，但入口仲熱辣辣。肉币不單夠肥美，而且份量夠多，送飯食真係好滿足。
2個餐都有跟沙律和餐湯，味道亦十分不俗，整體質素好好。食完飯再飲埋碗麵豉湯，大滿足！
