竹麓拉麵

營業中

休息中

中環街市都有好多餐廳選擇，不過老公就鐘情於拉麵，行經見到竹麓拉麵都好吸引，所以我地就嘅一個豐富午餐啦！雖然set lunch只有五個選擇，但每一碗拉麵都好吸引，睇見到真係非常15/16，諗到頭都痛先揀到食乜好。老公就嚟一碗和牛肉鹽醬油拉麵，以鹽醬油湯底一啲都唔會覺得鹹，反而有點點清爽而不油膩味道。軟嫩嘅和牛夠肉味得嚟仲帶有淡淡嘅和牛油香，配合埋彈牙嘅拉麵，令到整碗拉麵口感味覺非常豐富。我嘅就係魚乾極濃厚醬油拉麵，湯底以大量魚乾及厚醬油熬製，一入口就散發出啖啖魚香，而佢個味道濃得嚟又唔會太鹹。而叉燒都好香口，肥瘦均勻肉味夠。另外都叫左兩份小食，黑豚肉餃子外皮焦脆，內餡肉汁豐富柔軟，值得一試。炸吉列蝦就炸得酥脆又唔會油膩， 蝦肉又夠彈牙，整體上口感唔錯呀！