更多
2022-07-12
26 瀏覽
呢間小店主打馬來西亞菜🤣 一開始真係搵唔到鋪位 係條街到來回行左10次 最後先發現係要行落嘉咸街小小 右邊有個位轉入去🤣 就連店員都問我地係唔係好難搵 同埋係神秘國度🤣珍寶大蜆配大蝦 首先!佢啲蜆真係好好好大隻🤣 而且一碗入面有成10隻!每隻都係鮮甜同埋冇沙! 海蝦就正常發揮~ 講講個湯 店員講話係每碗新鮮炒出黎 香料炒過特別香 而且呢個湯冇加椰奶 食落會順口啲香啲~ 我地覺得的確係香同順口!不過個日個湯有小小咸~ 如果冇咁咸嘅話 真係好好味嘅👍🏻入面嘅麵用左油麵 食落彈牙! 而且仲有比到小小米粉~ 掛到湯!配料方面有芽菜、豆卜、唐心蛋、生菜 全部都係吸湯嘅食物!砂煲肉骨茶 砂煲上枱嘅時候仲係好滾!大家要小心唔好掂到個煲~ 肉骨茶好怕食到啲太重藥材味嘅 呢個就岩岩好 輕輕帶有藥材味 唔會太重 易入口!不過唔知點解 可能個日重手左小小 呢個都係有小小咸~ 不過其實佢味道係好好的! 另外入面嘅「肉骨」其實都係用左豬軟骨去代替 所以係啖啖肉!配料有菇、生菜、豆卜、油炸鬼、炸米餅、白飯日式炒野菜呢個普通~ 味道係係水平到 不過有啲份量細 大家可以衡量下叫唔叫~飲品: 話梅桃膠飲品呢個有熱有凍~
珍寶大蜆配大蝦
首先!佢啲蜆真係好好好大隻🤣 而且一碗入面有成10隻!每隻都係鮮甜同埋冇沙! 海蝦就正常發揮~ 講講個湯 店員講話係每碗新鮮炒出黎 香料炒過特別香 而且呢個湯冇加椰奶 食落會順口啲香啲~ 我地覺得的確係香同順口!不過個日個湯有小小咸~ 如果冇咁咸嘅話 真係好好味嘅👍🏻
入面嘅麵用左油麵 食落彈牙! 而且仲有比到小小米粉~ 掛到湯!配料方面有芽菜、豆卜、唐心蛋、生菜 全部都係吸湯嘅食物!
砂煲肉骨茶
砂煲上枱嘅時候仲係好滾!大家要小心唔好掂到個煲~ 肉骨茶好怕食到啲太重藥材味嘅 呢個就岩岩好 輕輕帶有藥材味 唔會太重 易入口!不過唔知點解 可能個日重手左小小 呢個都係有小小咸~ 不過其實佢味道係好好的! 另外入面嘅「肉骨」其實都係用左豬軟骨去代替 所以係啖啖肉!配料有菇、生菜、豆卜、油炸鬼、炸米餅、白飯
日式炒野菜
呢個普通~ 味道係係水平到 不過有啲份量細 大家可以衡量下叫唔叫~
飲品: 話梅桃膠飲品
呢個有熱有凍~ 凍嘅仲係冇冰🤣 店員話養生唔好飲咁凍呀!飲落唔會太甜 有淡淡嘅話梅味~ 飲完仲有好多桃膠比你食~
Overall 我覺得小店真係花左心機落去研究菜式! 如果係中環返工嘅朋友 不妨lunch time 去支持下~!
環境:🐷🐷🐷
抵食指數:🐷🐷🐷
張貼