影片
更多
2010-12-29
29 瀏覽
做樓上 Cafe ，最怕無人知！廣告或派宣傳單張不失為一個好方法！早前，我經過皇后大道中 PCCW ，有位 Cafe de Flore 女店員派宣傳單張，我不忘攞返張睇吓！當時，我打算搵個星期六去幫襯，點知，一去到座大廈大堂，見到 9 樓呢間 Seasons Cafe 嘅 Menu 更吸引！ 於是，我直接走上 9 樓，打開 Lift 門，隨即見到 Seasons Cafe 招牌，仲有掛了不少圖畫及油畫！原來係店主鍾意畫，特意買來作點綴！位於9 樓全層，佔地不大，一眼睇哂！ 店內有 8 張枱，大約 20 個位。靠牆擺放，充滿空間感！寧靜舒適！色調柔和，給予食客 warm 嘅感覺！ 此外，可以包場，還提供遊戲給食客。我一直以為係女店員，原來係店主之一，我真係有眼不識泰山！抱歉！Cafe 由 3 位店主合資，佢哋分工合作，女店主做樓面，為人健談，so nice! 另外兩位則忙於廚房工作。星期六中午時段大約 1:15，我係第一位食客！午餐有好幾款選擇：日式甜咖哩吉列豬扒飯、香草芝士焗肉醬意粉、蛋黃煙肉天使麵、日式燒牛肉扁意粉、錫紙焗百里香雜菌燒雞柳扁意粉、芝士焗忌廉汁煙三文魚意粉，其中蛋黃
位於9 樓全層，佔地不大，一眼睇哂！ 店內有 8 張枱，大約 20 個位。靠牆擺放，充滿空間感！寧靜舒適！色調柔和，給予食客 warm 嘅感覺！ 此外，可以包場，還提供遊戲給食客。
我一直以為係女店員，原來係店主之一，我真係有眼不識泰山！抱歉！Cafe 由 3 位店主合資，佢哋分工合作，女店主做樓面，為人健談，so nice! 另外兩位則忙於廚房工作。
星期六中午時段大約 1:15，我係第一位食客！午餐有好幾款選擇：日式甜咖哩吉列豬扒飯、香草芝士焗肉醬意粉、蛋黃煙肉天使麵、日式燒牛肉扁意粉、錫紙焗百里香雜菌燒雞柳扁意粉、芝士焗忌廉汁煙三文魚意粉，其中蛋黃煙肉天使麵最吸引！二話不說，即刻落單。
食物飲品尚未送到，女店主先遞上一杯帶有檸檬味清水，讓我可清一清喉嚨。感覺服務不錯！
蛋黃煙肉天使麵 $48
期待了 10 分鐘，終於上枱。首次幫襯，賣相沒有令我失望！並非用上蛋黃醬，以蛋黃打成醬，明顯黏住天使麵；煙肉不是想像中咸，咸味恰到好處！加上蘑菇片，中和咸味！起初食天使麵都覺得味道唔錯！食到一半已經開始有飽餾感！
Cappuccino ( 可選擇 $30 或以下飲品，$30 以上需補差價。) 正價：$30
基於成本問題，咖啡以半蒸餾方式沖調，用上兩種不同國家嘅咖啡豆，味道香濃，絕不遜色給連鎖咖啡店。但近來，大受好評咖啡店，非 Capo's Espresso 莫屬！咖啡價錢相若，質素更勝一籌！ 皆因用上全蒸餾式咖啡機及以澳洲 / 意大利式沖調。
可看 Capo's Espresso 有關我的食評 - Cappuccino
http://www.openrice.com/restaurant/commentdetail.htm?commentid=2133262
Seasons Cafe 咖啡用透明杯裝，突出層次感！值得一讚！ 可惜泡沫有點稀薄，我影完相未幾，尚未加糖之際，泡沫開始下沉...！ 口感仍不失香滑！可算是不錯！
上兩個星期一，放工走嚟食下午茶！嘆番個芝心下午茶！ 真係夠知心！時間 2:30 ~ 7:00 ，原來係徇眾要求，無幾可下午茶時段直至 7:00 。好多上班人士 6:00 / 6:30 後放工。芝心下午茶由 $24 ~ $32 不等，大約 10 款選擇。
我選了：芝士焗蛋黃醬吞拿魚法包 $28
其他選擇例如：$24 芝士焗鮮番茄法包、$30 芝士焗肉醬意粉...
法包烘燶一點，外脆內軟，芝士焗蛋黃醬吞拿魚配上法包，認真滋味！有兩塊之多！以紅邊菜及九芽菜墊底，蛋黃醬係低脂蛋黃醬，比較健康！吞拿魚混合沙律，完美配搭！略嫌少咗啲！
熱雲呢拿咖啡 ( 補 $2 ) 正價：$32
同樣以透明杯裝住，可能係下午茶關係，比午餐咖啡細杯！我喜歡飲熱雲呢拿，試吓加上咖啡之後效果如何？雲呢拿香味完全被咖啡掩蓋；仍保留應有甜味！故此，不需落糖。猶如飲緊一杯加多咗糖嘅 Latte 。
至於甜品，有 3 款選擇：紐約芝士餅、藍莓芝士餅、朱古力曲奇芝士餅 ( 跟餐 +$15 )
朱古力曲奇芝士餅賣相確實吸引！ 用上 Oreo 朱古力曲奇壓碎，灑上蛋糕上面。插上一支雙色朱古力棒，令人垂涎！ 細細件唔會好飽餾，食落芝士餅部分有點硬！整體味道幾好！可以一試！
備註：加一服務費
張貼
