影片
更多
2021-05-02
2912 瀏覽
2021年4月24日 星期六呢排屋企發生左好大件事，為咗安穩老婆既情緒，決定帶佢食返餐好既，所以就出咗去中環食飯今次帶佢黎嘅餐廳裝修得好有氣氛，燈光有少少暗，幾浪漫，最啱情侶嚟餐牌全部都係英文顯示，感覺好似高級好多，而且無套餐選擇，只可以散叫，所以我哋每一個類別都選擇一款食物首先嚟到嘅係蒜蓉包，已經切開咗一嚿嚿，方便進食，仲可以點埋橄欖油或者黑醋一齊食添，麵包都幾脆口，唔會軟林林之後有芝士條薯波，原本係球型既薯波釀入左成條芝士，所以外形都變咗條狀，一咬落去已經食到芝士融融地，可以拉到絲出嚟，味道夠鹹香呢一個係餐廳既招牌菜，chittara spaghetti with shrimps in saffron配忌廉汁，麵條既質感好特別，似中式既伊麵，每一條都好掛汁，充滿邪惡既芝士忌廉，食落去又唔算太膩，而蝦都好彈牙另一款主菜就係hunter chicken，其實係番茄醬烤雞，成塊雞扒都俾番茄醬包圍，味道滲入晒雞肉裏面，所以好夠味，而雞肉仍然保持嫩滑最後當然唔少得甜品，係Ponna cotta，屬於意大利嘅經典甜品，上面仲滴咗兩滴橄欖油，一齊食落去嘅時候味道好特別，有好香嘅奶味添埋單每人三百
呢排屋企發生左好大件事，為咗安穩老婆既情緒，決定帶佢食返餐好既，所以就出咗去中環食飯
今次帶佢黎嘅餐廳裝修得好有氣氛，燈光有少少暗，幾浪漫，最啱情侶嚟
餐牌全部都係英文顯示，感覺好似高級好多，而且無套餐選擇，只可以散叫，所以我哋每一個類別都選擇一款食物
首先嚟到嘅係蒜蓉包，已經切開咗一嚿嚿，方便進食，仲可以點埋橄欖油或者黑醋一齊食添，麵包都幾脆口，唔會軟林林
之後有芝士條薯波，原本係球型既薯波釀入左成條芝士，所以外形都變咗條狀，一咬落去已經食到芝士融融地，可以拉到絲出嚟，味道夠鹹香
呢一個係餐廳既招牌菜，chittara spaghetti with shrimps in saffron配忌廉汁，麵條既質感好特別，似中式既伊麵，每一條都好掛汁，充滿邪惡既芝士忌廉，食落去又唔算太膩，而蝦都好彈牙
另一款主菜就係hunter chicken，其實係番茄醬烤雞，成塊雞扒都俾番茄醬包圍，味道滲入晒雞肉裏面，所以好夠味，而雞肉仍然保持嫩滑
最後當然唔少得甜品，係Ponna cotta，屬於意大利嘅經典甜品，上面仲滴咗兩滴橄欖油，一齊食落去嘅時候味道好特別，有好香嘅奶味添
埋單每人三百幾蚊左右，咁靚嘅環境之下食到餐咁高質素嘅晚餐都唔錯
張貼
