溢溢掂 香港味道 (已結業)

已經食過幾次啦，頭兩次都叫四餸麵$42，第三次叫滷水什錦麵$48。第一次WhatsApp叫外賣唔記得揀汁就好清，今次就排隊買，等等唔耐，收銀都幾nice，滷水什錦有好多款餸，啱哂啲三心兩意嘅人，仲送素湯或可樂，個湯我見到有蘿蔔、薯仔、薏米、豆同菇等，味道清甜，唔覺有味精碗麵啲餸每款有二件左右，大腸、冬菇、腩肉同蘿蔔炆得入味又唔會太淋，滷水蛋都好正，紅腸有煎過下，好香。麵底就冇咩特別，食過粗麵、油麵同米粉都係正常野，至於汁底好味唔咸，但大辣都唔係好辣。總括而言，抵食又好味！