101台式休閒站 (已結業)

今早要幫阿妹過中環令野，之後要趕返工。但都要醫肚，係冇乜時間既關係下，決定買外賣返公司食。見到呢間咁多人排隊，應該都幾好掛。呢間係賣台式食品，有午市套餐選擇，一個飯或麵，加杯飲品，大約50-60蚊。中環呢個地方黎講，算係平價之選。飲品都有好多選擇，我揀左珍珠奶茶。平時一杯珍珠奶茶都要二十蚊，計落好抵。如果驚唔夠飽，仲有小食可以叫。原本諗住簡簡單單叫個飯就算，點知個飯一D都唔簡單。叫左個板燒雞柳拼章魚餅肉燥飯，喜出望外，一個飯竟然可以有四樣餸，而且質素都唔差。飯同餸分開放。肉燥拌飯，不過我嫌唔夠汁，所以我將d餸汁（滷汁）加埋落去，咁就非常入味啦。有滷蛋半隻，一塊章魚餅，好多件雞柳，仲有少量椰菜伴底。章魚餅真係食到有章魚粒，雞柳好滑好淋，滷蛋好入味，整體黎講唔錯。仲有網上外賣平台服務提供，唔一定排隊買外賣呀。