影片
更多
2023-02-06
186 瀏覽
番開中環嘅朋友就知，中環又多人又迫，好難有一個地方可以舒適又性價比高，今次介紹嘅《Sooshi Gold》就滿足哂依啲條件，性價比好高嘅日式刺身/Omakase店，$300到$600就可以食到最當造嘅刺身同壽司，真係好抵。所有嘅lunch set都會附送沙律、茶碗蒸、湯同埋甜品。沙律係日式田園沙律，加一啲酸汁好開胃。茶碗蒸高湯同埋蛋嘅比例啱啱好，上面仲放左啲海帶，口感好幼滑又充滿蛋香。旬之刺身定食 $358有6款季節當造刺身，每樣兩片。·帆立貝半透明嘅白色厚身帆立貝，食落鮮甜又彈牙。·拖羅淺粉紅色拖羅，粉花分怖好均勻，入口即溶。·深海池魚白身魚邊緣深紅色，口感鮮嫩肥美，肉厚又油脂豐富。·富山灣白蝦產自日本富山灣嘅白蝦，晶瑩通透。上面再放左黑魚籽，味道甘甜又爽口。·沙甸魚紫菜卷沙甸魚調左味，包埋紫蘇葉、蔥嘅紫菜卷，口感結實又唔腥。·煙燻過春魚用煙燻去處理春魚，煙燻重又油脂豐富，食完嘅油香久久不散。之後飲番個麵豉湯暖下身。是日甜品就係抹茶紅豆慕絲，抹茶味香濃又甘香，完滿嘅一餐。Sooshi Gold (中環)中環威靈頓街148號地舖
所有嘅lunch set都會附送沙律、茶碗蒸、湯同埋甜品。
沙律係日式田園沙律，加一啲酸汁好開胃。茶碗蒸高湯同埋蛋嘅比例啱啱好，上面仲放左啲海帶，口感好幼滑又充滿蛋香。
旬之刺身定食 $358
有6款季節當造刺身，每樣兩片。
·帆立貝
半透明嘅白色厚身帆立貝，食落鮮甜又彈牙。
·拖羅
淺粉紅色拖羅，粉花分怖好均勻，入口即溶。
·深海池魚
白身魚邊緣深紅色，口感鮮嫩肥美，肉厚又油脂豐富。
·富山灣白蝦
產自日本富山灣嘅白蝦，晶瑩通透。上面再放左黑魚籽，味道甘甜又爽口。
·沙甸魚紫菜卷
沙甸魚調左味，包埋紫蘇葉、蔥嘅紫菜卷，口感結實又唔腥。
·煙燻過春魚
用煙燻去處理春魚，煙燻重又油脂豐富，食完嘅油香久久不散。
之後飲番個麵豉湯暖下身。是日甜品就係抹茶紅豆慕絲，抹茶味香濃又甘香，完滿嘅一餐。
Sooshi Gold (中環)
中環威靈頓街148號地舖
張貼
