上海弄堂菜肉餛飩 (歌賦街) (已搬遷) 新店位置

嚟到中環半山區附近嘅上海弄堂菜肉雲吞，一早已經喺灣仔同天后試過佢嘅分店，今日特登嚟到中環呢度附近。想食一啲抵食嘅上海菜，上海弄堂絕對係我嘅選擇。素鵝份量都幾多，用腐竹包住冬菇，蘿蔔絲等等，小食嘅價錢，主菜嘅份量。呢份素鵝認真抵食。炸銀絲卷銀絲卷炸香左之後，點上適量嘅煉奶，入口甜甜地，作為飯後點心一流。煎鮮肉餃鮮肉餃入邊包上好多汁嘅豬肉餡，煎香左之後外皮香脆可口，入邊嘅鮮肉就好似小籠包入邊嘅肉一樣，仍然保持多汁嘅感覺。只係點心已經令人垂涎萬分，另外要讚嘅係餐廳夠晒抵食，如果預算唔太多，又想坐得舒服可以一試。