燒烤堂

營業中

休息中

今次到我帶個fd黎食好野了～ 朋友都非常鍾意咁覺得呢度串燒同小食果然冇令人失望！menu選擇超多，雞、牛、羊、海鮮、蔬菜一應俱全，樣樣都係值回票價🥢香辣雞冠同鹽燒雞皮係必食之選，雞冠彈牙有嚼頭，香辣調味惹味但唔會太辣；雞皮燒得薄脆如薯片，鹹香可口，超啱佐啤酒⭐️厚切牛舌拖羅肉質嫩滑，燒得微焦，牛味濃郁，彈牙好味。鹽燒雞中翼外皮香脆，肉質Juicy，份量大，兩隻一串好滿足👍🏻仲有鵝肝多士就一定係招牌，鵝肝厚身入口即化，好抵食。而日式燒白鱔肉質彈牙，燒得乾身，簡單調味好鮮甜🥢免治雞肉棒雞肉軟嫩，混入軟骨粒有咬口，蛋黃醬汁滑溜，食落好滋味。泡菜五花腩肥瘦適中，泡菜酸辣平衡，刺激好味又開胃❤️燒羊架肉質軟嫩，帶少少孜然香，咬落多汁。菜圃豆皮香脆可口，帶淡淡菜圃鹹香。🥢孜然燒茄子同鹽燒翠玉瓜都真係幾好~ 茄子軟腍吸滿孜然蒜香，阿晒惹味；翠玉瓜整完好軟熟，好juicy🐟鰻魚炒飯鰻魚份量多，飯粒炒得香口，醬汁甜鹹平衡。最後!!! 黑糖燒菠蘿同檸蜜牛油包好有驚喜，菠蘿焦糖脆面，清甜多汁；牛油包烘得香脆，檸蜜甜酸好開胃，完美收尾