三一餃子 (利源西街)

營業中

休息中

中環食午飯雖然好多人，但係因為競爭大，所以依然都有好多好嘅小餐廳。好似呢間咁，由開舖到而家已經一直幫襯，12點零鐘到已經排長龍，但因為好好食，大家都願意等，年青人主理，非常之有禮貌，勤奮又手腳快。今日叫咗C餐$77溫泉蛋紫菜飯，兼有日本豉油，好好味，大阪燒餃子煎得非常香脆，仲有沙律醬，紫菜，真好食。生菜亦都非常之新鮮爽脆美味，選料確係好。排隊等着大約15分鐘先至有位，仲好多人嗌外賣添。大家都係食過返尋味。