山椒鰻魚汁燒白鱔係必點，魚皮烤得非常香脆，肉質卻保持鮮嫩，食起黎好彈牙。鹽燒和牛牛小排肉質軟嫩，油脂豐富，一口咬下成口都係肉汁。
墨魚滑紫菜大蝦很有創意，墨魚滑好Q彈，配上酥脆的紫菜，口感好好。黑松露金菇卷的松露味好香，鍾意菇類嘅人唔好錯過。
其他串燒都十分唔錯，鹽燒牛舌芯口感爽脆，韓風燒牛肋肉味道甜甜辣辣好開胃。食多左肉類，仲可以點一份港式蜜糖燒菠蘿，酸甜多汁，非常解膩。
飲料點左百香果檸檬茶，酸甜清爽。桔仔薄荷鴨屎茶都好清新。
整體來說，呢間鋪係中環性價比較高，大部分串燒價格在$10到$68之間，味道好，選擇好多。
