上海弄堂菜肉餛飩 (歌賦街) (已搬遷) 新店位置

呢排成日食開啲煎炸野 想食返啲養生既菜跟住就行咗去中環嘅小街 見到間上海菜幾吸引 就入左去喇成個裝修好中國古典化 坐落環境好舒服首先我哋就叫左個招牌菜時令小棠菜肉餛飩 $30/49隻 加左$8跟住轉咗個響螺蟲草燉雞十全養生湯個餛飩好鮮甜，豬肉味鮮爽味濃重，餛飩皮唔厚同埋好滑。個養生湯用咗響螺、蟲草花、淮山加加埋埋成10種材料燉出黎，入口甘甜，冇落味精，夠晒養生。加埋養生湯一齊食，非常夾，忍唔住食多幾啖。跟住食上海菜就一定要叫小籠包$40/4個，小籠包上枱嘅時候仲係熱辣辣，肉餡都有鮮甜的豬肉，咬落去嘅時候，肉汁別晒出嚟，味道先甜。我哋仲嗌左春卷$32/4件，外皮又脆又薄，入口唔油膩，抵食！冷盤方面就叫左燻魚$79，香香甜甜，份量都唔少添！抵食仲嗌左個古法紅燒肉百頁結$89，紅燒肉炆到好軟稔，加埋少少肥膏都唔會好油膩！百葉結吸晒啲醬汁，好入味。甜品方面就叫咗豆沙鍋餅$45份，入面係紅豆沙餡，唔會得少少豆沙餡，外邊脆卜卜，一啖咬落去，好爽脆。另外都嗌左個桂花酒釀丸子$32，上枱嘅時候都係熱辣辣，飄黎陣陣嘅桂花香味,丸子軟糯，食完清甜滋潤！。地址：上海弄堂菜肉餛飩 (歌賦街) (中環)中環歌