影片
更多
2021-07-06
333 瀏覽
六月某日去咗中環嘅文華東方酒店Staycation，食玩訓之外當然唔少得睇波，四(+1)年一度嘅歐國杯嘛⚽️。雖然喺酒店已經食飽飽，但始終要撐到半夜，所以就出咗去搵吓有冇宵夜啱食。我哋行到去大館附近，見到有間外賣店好高人氣喎👏，佢就係「Smash Boys Burger」。我行埋舖位襯熱鬧，仲可以喺櫥窗外睇住店員整漢堡包嘅過程🍔，一路睇住，再加埋傳來嘅食物香氣，令人食指大動。我留意到佢哋嘅製作過程好有條理，廚房乾淨整潔，就連電掣位都有用保鮮紙封好呢👌。呢度賣嘅漢堡包款式唔多，得五款，但貴精不貴多，最重要係好食😋。五款口味包括Original Classic、Mexicana、All Day Breakfast、Impossible Smash以及Ultimate Wagyu，其實單憑個名都可以大概估到佢哋係點樣，但如果想實際知道有乜食材，就要參考返食物圖片嚕。揀選頭四款漢堡包嘅話，可以加$20左右升級做套餐，即係配埋薯條同罐裝汽水🥤。Ultimate Wagyu Burger($150)，講到「究極Ultimate」咁巴閉😎，究竟係點解呢？主因原來係用上鵝肝Foie Gras做其中一種食
六月某日去咗中環嘅文華東方酒店Staycation，食玩訓之外當然唔少得睇波，四(+1)年一度嘅歐國杯嘛⚽️。雖然喺酒店已經食飽飽，但始終要撐到半夜，所以就出咗去搵吓有冇宵夜啱食。我哋行到去大館附近，見到有間外賣店好高人氣喎👏，佢就係「Smash Boys Burger」。
我行埋舖位襯熱鬧，仲可以喺櫥窗外睇住店員整漢堡包嘅過程🍔，一路睇住，再加埋傳來嘅食物香氣，令人食指大動。我留意到佢哋嘅製作過程好有條理，廚房乾淨整潔，就連電掣位都有用保鮮紙封好呢👌。
呢度賣嘅漢堡包款式唔多，得五款，但貴精不貴多，最重要係好食😋。五款口味包括Original Classic、Mexicana、All Day Breakfast、Impossible Smash以及Ultimate Wagyu，其實單憑個名都可以大概估到佢哋係點樣，但如果想實際知道有乜食材，就要參考返食物圖片嚕。揀選頭四款漢堡包嘅話，可以加$20左右升級做套餐，即係配埋薯條同罐裝汽水🥤。
Ultimate Wagyu Burger
$150
15 瀏覽
0 讚好
0 留言
Ultimate Wagyu Burger($150)，講到「究極Ultimate」咁巴閉😎，究竟係點解呢？主因原來係用上鵝肝Foie Gras做其中一種食材。我喺窗睇住店員煎熟啲鵝肝，油份不斷吱吱吱咁湧出嚟。當放入口時，我亦感受到半熟鵝肝入口即溶嘅口感，但由於偏薄，食食吓又覺得佢似醬多啲。其他配料仲有生菜、蕃茄、酸黃瓜同洋蔥絲等，全部都係經典項目。🍞麵包本身都處理得好好，搽咗牛油煎香，微脆鬆軟，會令人想成個包食哂，唔會淨食餡。
All Day Breakfast Burger
$98
16 瀏覽
0 讚好
0 留言
All Day Breakfast Burger($98)，早餐漢堡感覺好有趣，亦係店員嘅推介之一。作為港女至愛嘅全日早餐當然唔少得煙肉Bacon🥓同煎蛋Fried Egg🍳，估唔到將佢哋變成漢堡包嘅餡都非常適合，而且兩樣食材都煎到好香脆，口感一流。兩款漢堡包用嘅麵包有所不同，早餐呢款係帶有芝麻嘅，但食落味道就差唔多。醬汁亦係Burger嘅精華所在，餐廳自家製作，神秘配方，我只係知道好惹味咋。
另外，我想特別講吓塊漢堡扒Wagyu Smash Patty🥩，首先牛味濃郁係達標嘅✅。漢堡扒有別於其他餐廳搓到成吋厚，相反特意將佢壓扁，故此塊扒嘅平面面積較大。漢堡扒夠薄，煎起上嚟有燶邊嘅效果，而且更難得能鎖住肉汁，唔錯。正正因為呢個原因，即使有兩層漢堡扒，亦令到我能夠一啖過食晒漢堡包嘅咁多層，享受完整滋味。
我將其中一個Burger升級咗做套餐，所以有一份薯條Fries🍟。薯仔非常粗切，因此嚴格來講唔稱得上係薯條。薯塊味道正常，未算有太大驚喜，但勝在份量多同即炸。
總括嚟講，Smash Boys Burger絕對係中環の邪惡漢堡包😈，仲係夜鬼嘅宵夜恩物，難怪平日晚上都咁多人幫襯。漢堡包好味道，個人認為全日早餐嗰款更有特色，除非你真係好鍾意食鵝肝啦。不過留意返個包係偏油，幸好店員非常貼心會提供埋濕紙巾👍。題外話，店員們超級友善，即使係外賣店，但你都會感受到佢哋服務好好！
張貼
