Starssy Café (元州街) (已結業)

原本諗住假期懶豬豬，又唔想老婆晨咁早起身整早餐，所以就選擇同老婆落街吃，行過一間都開左一段時間而又從未試過的cafe，見個門面裝修唔錯，部咖啡機都算係唔錯，而且個全日早餐個價錢又平，諗住應該冇死錯人，咁就滿懷希望入左去，點知，中晒伏，首先點餐時，女店員服務態度好差，（黑口黑面咁）講野粗聲粗氣，連一聲唔該等等都唔識講（當時佢喺度冷係專業咁沖緊咖啡）,佢用一種唔耐煩既聲調同我講等等，我幫襯其他cafe咁耐從未見識過，我點左兩個全日餐加兩杯coffee 約$180，先講吓個餐先，菜非常之多，香賜三條（手指尾size)，炒蛋，再加一個飽，thats all, 如果食物是好吃的，就算佢收我酒店價錢，我都覺得值，可惜，一個字，差，面飽只係一般餅店質數，極其量堆菜算比較新鮮，腸仔只係一般雞尾腸果類，炒蛋方面老麥果個都比佢好，起碼有蛋味，個炒蛋食落去淡而無味，一D蛋味都冇，如果我唔係開住眼望住，我真係會唔知道我食緊炒蛋，呢碟野都算，我本身係咖啡控，所以覺得早餐既靈魂，一定係咖啡，其他野好唔好食，唔係咁在意，我點左Americano , 而太太就點左玫瑰岩鹽咖啡，兩杯啡既共通點，一個字 ”淡“，感覺似係二次返沖果隻味度，咖啡應有既香味欠奉，最平實基本既美式咖啡，入口連應有既苦甘口感都冇，杯岩鹽咖啡一樣，因礦物而產生，入口應有既豐富口感及尾韻既甘甜，完全失晒蹤，衰D講句，連茶記杯啡都好飲過佢地果D，真係好後悔帶左老婆入去陪我一齊難受，我老婆對食既要求係好高的。
以後都唔會再幫襯。非常差！！！