碼頭故事 (已結業)

天氣涼左就想打邊爐 朋友介紹呢間係銅鑼灣新開嘅邊爐 八點上到去都半full 所以去食記得book定位 入到去就覺得裝修好有中國特色 二人枱坐得都好闊落 坐低後店員都有講解唔同湯底同埋自行去拎調味同圍裙今次嗌左鴛鴦鍋 麻辣蕃茄 小辣岩晒我地 因為會越滾越辣😂 我地都嗌左好多配料 啲配料份量都幾多 推介嘅有一米肥牛 真係夠特別 用板咁上 份量夠晒兩個人食 雖然唔多雪花 但食落都有牛味 鴨血係我同朋友都推介 因為同麻辣鍋好夾 娃娃菜係我地邊爐必嗌 不過食左一條淥係麻辣鍋就夠了 因為真係好索味 好麻好辣😂😂 所以建議唔太食得辣嘅人 放係蕃茄湯就岩晒 好有蕃茄味 薯粉都係我地會推介 因為無論放麻辣同蕃茄湯都係好入味 好正 另外我地都叫左蝦滑 食落真係好彈牙 其他配料就仲有午餐肉同響鈴 味道正常大件抵食呢度仲有啲小食 不過今次已經食得好飽 所以就冇再嗌了 下次再食🤪