諗諗吓不如就食中菜啦
呢間餐廳地方雖然唔算好大
但係亦都有間到一啲空間俾10人以上嘅座位
「上海酸辣湯 $98」
本來以為例牌都唔會話好大碗
點知一嚟到係完全足夠兩至三個人份量
材料有肉絲、冬菇絲、蛋花、筍絲等等
酸同辣嘅比例剛剛好
即使怕辣嘅朋友都唔會話係辣到流晒鼻涕
酸辣酸辣，非常開胃！
「花雕醉雞 $108」
淡淡的酒香唔會過於濃烈刺鼻
而且雞肉嘅肉質嫩滑，有彈性
酒嘅味道亦唔會搶走雞肉的鮮味
「菊花酸菜魚 (小辣) $288」
今晚嘅重頭戲就係酸菜魚啦！
同酸辣湯一樣，份量十分之多
賣相同埋香味亦都係好出眾
食酸菜魚之前我習慣呷一口湯先
果然！係好好味呀！
佢嘅湯底係好濃郁嘅白色魚湯，再加上酸菜及花椒熬製
有魚味得嚟唔會腥，仲好鮮甜
麻辣酸味調配得剛剛好
魚肉非常嫩滑，啖啖肉
入面仲有寬粉同埋菌類作配菜
我哋都忍唔住叫咗一碗白飯嚟送添啊～
總括而言，
食物質素同份量屬於中上水平
好慶幸今日誤打誤撞都入到一間好嘅餐廳
必定再次光臨！
