沙嗲王 (MPM文華商場) (已搬遷) 新店位置

食肥左, 唯有去做運動減下肥先得!! 約朋友去花園街打波, 打之前當然要食個下午茶補充能量先得! 去左好耐冇去嘅沙嗲王, 下午茶時間, 唔洗等。巨雞脾個樣好吸引人!!! 但唔可以食甘多呢…最後同朋友一人一個下午茶share食。蒜蓉牛油雞翼配薯條, 雞翼熱辣辣, 牛油味唔算濃, 皮脆香口, 都唔錯! 凍青蘋果紅茶配啫喱跟餐有得揀, 味道都正常, 唔洗加錢, 味道唔太甜。仲叫左白咖哩豬排飯, 朋友同我以前都好鍾意沙嗲王嘅白咖哩, 唔太辣, 又有香濃嘅咖哩味。可惜, 甘耐之後再食, 回憶總是美好的...再食回憶中的味道不再了, 白咖哩已經冇甘香濃, 有啲可惜同失望。