碼頭故事 (已結業)

天氣凍左，特別想打邊爐，特別係麻辣火鍋。今日同朋友去左超有中國風既碼頭故事打邊爐。火鍋店裝修以紅色為主，古色古香，好有特色。我同朋友口味好唔同，我好辣，朋友就唔食得辣。甘鴛鴦鍋幫到我地，牛油紅鍋配蕃茄湯底。火鍋配料我地叫左脆魚片、羊肉片、墨魚滑、廣島蠔、精選牛拼盤。全部賣相靚仔，新鮮。個牛拼盤，牛小排，安格斯肥牛同牛柳，一次試哂3個部位。廣島蠔肥美大大粒，份量仲幾多，正。呢度加多寶，仲印埋碼頭故事，好有型。甜品紅糖糍粑，煙煙靭靭，唔會太甜，大人細路都會鐘意食。