十二味麻辣小當家 (已結業)

由銅鑼灣地鐵行過黎都幾快！過左鵝頸橋不遠就到達！一入店內裝修較中式！亦多內地人用餐！應該都係正宗既四川菜！如果用平時食米線個準質黎睇，佢偏向貴！第一次黎食可能未必識叫！要睇哂先選擇自己想要既野！有一種係屬於窩類！選擇你想要既餸再一大鍋上台，另一種係屬於湯類，可選擇粉類及餸類，亦可只選擇餸類！我自己一個食就當然選擇湯類啦！佢最少要選擇五款，包括粉類，連粉我叫左六款！多到食唔哂！超大碗的！咁樣一大碗足夠二個人食！佢啲餸雖然偏貴！但每款都好足料同好新鮮！酥肉：經過油炸再煮，肉一啲都唔柴口！仲有啲滑！醃過，好香五香粉！安格斯牛肉：肥瘦均勻，唔係街市肥牛，份量仲唔少！潮洲片頭：彈牙，爽口，外面仲有少少脆口！新鮮木耳：麻辣最愛就係佢！爽口！索哂啲湯！正呀！油麥菜：新鮮，爽脆，同樣索湯！唔會過淋！米線：係我鐘意既口感，我自己比較偏向食淋少少既米線！但絕對唔係爛左！重點個湯黎啦，較清，但唔係無味！平衡返辣既味道！麻辣野黎講佢唔算油，亦唔會死辣，真係有麻既感覺，湯底有麻辣外！上台前佢都會再加返香料比你，令到係你面前就已經覺得好香麻辣味！更吸引！雖然佢價錢就咁睇偏向貴！但佢份量一啲都唔少！片頭佢有成6-7